क्यानडा पठाइदिन्छु भनि ठगी गर्ने रोल्पाका रण बहादुर प्रहरीको फन्दामा

जनपक्षीय खबर

२०८१ भाद्र २६ गते, बुधबार १७:१९ मा प्रकाशित

काठमाडौ २६ भदौ । वैदेशिक रोजगारका लागि क्यानडा पठाइदिन्छु भनी प्रलोभनमा पारी रकम असुलि फरार भएका रोल्पा जिल्ला माडी गाँउ पालिका वडा नं. १ घर भइ हाल काठमाडौ जिल्ला का.म.न.पा कंलकी बस्ने वर्ष २९ को रण बहादुर घर्तीलाई जिल्ला काठमाडौ का.म.न.पा. १६, बनस्थलीबाट हिजो काठमाडौ उपत्यका अपराध अनुसन्धान कार्यालयबाट खटिएको प्रहरी टोलीले पक्राउ गरेको छ ।

रण बहादुर घर्तीले वैदेशिक रोजगारको लागि क्यानडा पठाउन प्रतिव्यक्ति रु पैतिस लाख लाग्ने र महिनाको कमाई चार लाख हुन्छ भनी झुटो आश्वासनमा पारी शिवराम थापा लगायत आठ जनाबाट पटक पटक गरी जम्मा रु एक करोड पैसठ्ठी लाख नगद असुली फरार भएका थिए ।

काठमाडौ उपत्यका अपराध अनुसन्धान कार्यालयबाट खटिएको प्रहरी टोलीले रण बहादुर घर्तीलाई थप अनुसन्धान र आवश्यक कार्बाहीको लागि बैदेशिक रोजगार विभाग ताहाचल काठमाडौ पठाएको छ ।