पेट्रोल,डिजेल,मट्टितेलमा निगमले भारी मुल्य घटायो

जनपक्षीय खबर

२०८१ भाद्र ३० गते, आईतवार २१:३१ मा प्रकाशित

३० भदौ, काठमाडौं । नेपाल आयल निगमले डिजेल , पेट्रोल र मट्टितेलको मूल्य पुनः घटाएको छ ।

आइतबार साँझ बसेको निगम सञ्चालक समितिको बैठकले डिजेल र मट्टितेल प्रतिलिटर ५ रुपैयाँ र पेट्रोल प्रतिलिटर ४ रुपैयाँ मूल्य घटाएको हो ।

यो मूल्य आइतबार मध्यराति १२ बजेदेखि लागू हुनेछ ।

मूल्य घटेपछि चारआली, नेपालगन्ज, भलबारी , अमलेखगञ्ज, जनकपुर , बिराटनगर , धनगढी र वीरगञ्ज क्षेत्रमा पेट्रोलको मूल्य प्रतिलिटर १५६ रुपैयाँ र डिजेल तथा मट्टितेल प्रतिलिटर १४६ कायम भएको छ ।

त्यस्तै सुर्खेत र दाङ क्षेत्रमा पेट्रोलको मूल्य लिटरको १५८ रुपैयाँ र डिजेल तथा मट्टितेल १४८ रुपैयाँ पर्नेछ । काठमाडौं, पोखरा र दिपायल क्षेत्रमा पेट्रोलको मूल्य प्रतिलिटर १५९ र डिजेल तथा मट्टितेलको मूल्य प्रतिलिटर १४९ कायम भएको छ ।