गण्डकीमा एमालेका ४ मन्त्रिले खाए सपथ
जनपक्षीय खबर
२०८१ भाद्र १७ गते, सोमबार १५:२५ मा प्रकाशित
पोखरा, भदौ १७ । गण्डकीमा नेकपा एमालेबाट नियुक्त ४ जना मन्त्रीले शपथ लिएका छन् । प्रदेश प्रमुख डिल्लिराज भट्टले पद तथा गोपनियताको सपथ एमाले केन्द्रीय लेखा आयोग सदस्य पद्मा जिसिको नेतृत्वमा गएका ४ जना मन्त्रिलाई खुवाएको छ ।
बागलुङका कृष्ण पाठकले स्वास्थ्य, नवलपुरकी पद्माले कृषि, भूमि व्यवस्था तथा सहकारी , पर्वतका मित्रलाल बस्यालले उद्योग तथा पर्यटन र कास्कीका प्रकाशबहादुर केसीले भौतिक पूर्वाधार तथा यातायात व्यवस्था मन्त्रीका रुपमा शपथ लिएका छन् ।
गण्डकी प्रदेशमा ७ मन्त्रालय बाट बढाएर ९ मन्त्रालय बनाएपछि एमालेले ४ मन्त्रालय पाएको हो । सामाजिकबाट फुटाएर स्वास्थ्य बनाइएको हो भने एउटै मन्त्रालय रहेको उद्योग तथा पर्यटन र वन तथा वातावरणलाई दुई वटा बनाइएको छ ।
भौतिक पूर्वाधार तथा यातायात व्यवस्थामन्त्री दीपक मनाङेको जिम्मेवारी हेरफेर गर्दै वन तथा वातावरण मन्त्रालयको जिम्मेवारी दिइएको हो । ४ मन्त्री नियुक्ति गरेर शपथ खुवाएसँगै गण्डकीको मन्त्रिपरिषदले पूर्णता पाएको छ ।
नेपाल समाजवादी पार्टीका फणीन्द्रको मन्त्रालय यथावत राखिएको छ भने कांग्रेसबाट मुख्यमन्त्री पाण्डेसँगै आर्थिक मामिलामा डा. टकराज गुरुङ र समाजिक विकासमा विन्दुकुमार थापा छन् ।
केन्द्रमा कांग्रेस–एमाले समीकरण बनेको २ महिनापछि गण्डकीको मन्त्रिपरिषदले पूर्णता पाएको हो ।
Photo: Onlinekhabar
सम्बन्धित खबर
मर्स्याङ्दीमा बस खस्दा 15 जनाको अबस्था चिन्ता जनक
४ महिना अगाडि
