आईसीसी विश्वकप लिग २ को तालिका सार्वजनिक

जनपक्षीय खबर

२०८१ भाद्र २७ गते, बिहीबार २१:३७ मा प्रकाशित

काठमाडौँ । अमेरिकामा खेल्ने आईसीसी विश्वकप लिग – २ को तालिका नेपालले सार्वजनिक गरेको छ । नेपाल, स्कटल्याण्ड र अमेरिका बीच हुने खेलमा नेपालको सबै खेलहरु प्रेरिरी भ्यू ह्युस्टनमा राति १०ः१५ मा सुरु हुनेछन् ।

अक्टोबर २७ ,मा नेपालले पहिलो खेल अमेरिकासँग खेल्ने छ । दोस्रो खेल स्कटल्याण्डसँग अक्टोबर २९ मा र तेस्रो खेल अमेरिकासँग नोभेम्बर २ मा खेल्नेछ । नोभेम्बर ४ मा पुन; स्कटल्याण्डसँग खेल्नेछ ।

त्यसपछि यी टोलीबीच टी – २० सिरिज हुनेछ । लिग – २ र त्रिकोणात्मक टी – २० आई सिरिज खेल्न नेपाली टोली मंगलबार राति क्यानडातर्फ गइसकेको छ ।

नेपालले लिग – २ मा क्यानडासँग सेप्टेम्बर १६ र २२ मा खेल्नेछ । त्यस्तै, सेप्टेम्बर १८ र २४ मा ओमानसँग लिग-२ मा प्रतिस्पर्धा गर्नेछ ।

त्यसपछि नेपाल, ओमान र क्यानडाबीच त्रिकोणात्मक टी २० आई सिरिज हुनेछ । नेपालले त्रिकोणात्मक टी – २० आई सिरिजमा क्यानडासँग २८ सेप्टेम्बरमा , २९ मा ओमान, अक्टोबर १ मा क्यानडा र २ अक्टोबरमा ओमानसँग खेल्नेछ । क्यानडामा खेल सकिए प्रश्चात नेपाली टोली अमेरिका जाने छ ।